Войска РФ праводзіць паказальную ратацыю ля межаў Украіны

Расейскія войскі і тэрарысты надалей парушаюць перамір'е ў Данбасе.

Прэс-служба РНБА паведамляе аб чарговых спробах штурму данецкага аэрапорта, які тэрарысты ўчора абстрэльвалі з артылерыі, установак «Град» і танкаў. Украінскія вайскоўцы адкрылі агонь, тэрарысты панеслі страты, піша NEWSru.ua.

Баевікі нанеслі артылерыйскі ўдар па жылых кварталах пасёлка Альховатка з боку сяла Цімафееўка у шахцёрскім раёне Данецкай вобласці і ажыццявілі мінамётны абстрэл горада Папасная з боку пасёлка Калінава Луганскай вобласці. Такія абстрэлы нельга апраўдаць ніякай вайсковай неабходнасцю. Гэта цынічныя атакі на мірных людзей, у выніку якіх на Луганшчыне загінулі 3 чалавекі.

Найбольшая колькасць абстрэлаў нашых вайскоўцаў было ўчынена пад населенымі пунктамі Дэбальцава і Старагнатаўка Данецкай вобласці, а таксама ў раёне горада Шчасце Луганскай вобласці.

На паўднёвых рубяжах Украіны памежнікі надалей фіксуюць факты правядзення паветранай выведкі. Учора а 19 гадзін на ўчастку ў раёне пасёлка Шырокіна быў знойдзены беспілотнік, які рухаўся ў кірунку Марыупаля на вышыні 1 км.

Памежнікі таксама зафіксавалі дэманстратыўную ратацыю расейскіх вайскоўцаў на пазіцыях ў акупаваным Крыме - насупраць кантрольнага пункта «Чонгар». Змена прыехала на 15 КамАЗ, пасля чаго была праведзеная пабудова асабістага складу.

За дзень выязныя брыгады Украбаронпрама адрамантавалі 9 адзінак бронетэхнікі. За перыяд з 6 верасня да 6 кастрычніка 2014 адрамантавана 433 адзінкі бронетэхнікі.

Раней паведамлялася, што тэрарысты актыўна абстрэльваюць пазіцыі ўкраінскіх вайскоўцаў удзень, але ўначы атакі спыняюцца. Трохбаковая група зафіксавала шэраг выпадкаў парушэння ўмоў перамір'я ў Данбасе.