Віцебская друкарня адмовілася друкаваць сшыткі да 500-годдзя бітвы пад Оршай
20- 8.10.2014, 9:13
- 11,756
Прычына адмовы - «у нас саюз з Расеяй».
Пра гэта паведамляе charter97.org Уладзімір, стваральнік сшыткаў і альбомаў для малявання з нацыянальнымі беларускімі сімваламі.
«Сказалі, маўляў, мы не будзем браць ваш заказ, таму што «клапоцімся, каб у вас не было праблем, у вас і ў мяне ёсць дзеці». Патлумачылі адмову так: у нас саюз з Расеяй. Іншымі аргументамі былі: «Вы што, хочаце, каб было, як ва Украіне?», «Хіба Беларусь мае дачыненне да ВКЛ?», «Чаму вы не зрабілі нармальныя сшыткі пра Вялікую айчынную вайну?» І іншыя, - распавёў ён.
Са слоў Уладзіміра, віцебская друкарня параіла друкаваць сшыткі ў Смаленску.