Сіноптыкі: У канцы тыдня ў Беларусі пацяплее да +22

Цёплае надвор'е вернецца ў Беларусь у другой палове гэтага тыдня.

Пра гэта паведаміў начальнік службы гідраметэаралагічных прагнозаў Рэспубліканскага гідраметэацэнтра Дзмітрый Рабаў, паведамляе БелТА.

«Умовы надвор'я на тэрыторыі рэспублікі цягам першай паловы тыдня ўсё яшчэ будзе вызначаць перыферыя халоднага антыцыклону. Аднак з чацвярга сітуацыя ў атмасферы пачне змяняцца», - распавёў Дзмітрый Рабаў.

У сераду чакаецца пераважна без ападкаў. Ноччу і раніцай месцамі заклубіўся туман. Тэмпература паветра ўначы складзе плюс 1-8 градусаў, па ўсходзе месцамі чакаюцца замаразкі ад нуля да мінус 4 градусаў. Днём будзе 10-17 градусаў цяпла.

«З чацвярга ў атмасферы адбудзецца перазагрузка, і на тэрыторыю рэспублікі пачне паступаць цёплае паветра з акваторыі Міжземнага мора, - адзначыў Дзмітрый Рабаў. - Пацяплее як уначы, так і ўдзень. Сярэдняя тэмпература паветра на 4-7 градусаў перавысіць кліматычную норму, характэрную для гэтых датаў кастрычніка».

У чацвер, 9 кастрычніка, тэмпература паветра ўначы складзе плюс 2-8 градусы, па захадзе будзе да 10 цяпла. Днём прагназуецца плюс 12-18 градусаў, на паўднёвым захадзе - да 20 градусаў вышэй за нуль. Чакаецца пераважна без ападкаў, толькі ноччу і раніцай на паўночным захадзе рэспублікі пройдуць кароткачасовыя дажджы.

У наступныя дні будзе яшчэ цяплей. З пятніцы па нядзелю ў начныя гадзіны чакаецца плюс 5-12 градусаў, днём - ад 13 да 20 градусаў цяпла, у заходніх раёнах месцамі паветра прагрэецца да плюс 22 градусаў. Прагназуецца пераважна без ападкаў, толькі ў паўночных раёнах пройдуць кароткачасовыя дажджы. Ноччу і раніцай месцамі чакаецца туман.