«Гаўляйтэрам» Крыма аднагалосна абралі Аксёнава
10- 9.10.2014, 10:43
- 6,325
Дэпутаты «Дзяржсавета Крыма» на чарговай сесіі «парламента» новага склікання ў чацвер абралі кіраўніком рэгіёну Сяргея Аксёнава.
Як паведамляе «Украинская правда», кандыдатуру марыянеткі Крамля аднагалосна падтрымалі ўсе 75 «дэпутатаў», якія прысутнічаюць на пасяджэнні.
«Кіраўніком рэспублікі Крым абраны Аксёнаў Сяргей Валер'евіч», - сказаў «спікер Дзяржсавета» Крыма Уладзімір Канстанцінаў.
Раней прэзідэнт Расеі Уладзімір Пуцін унёс на разгляд «Дзяржсавета Крыма» для абрання на пасаду «кіраўніка рэспублікі» тры кандыдатуры: Аксёнава, міністра экалогіі і прыродных рэсурсаў Генадзя Нараева і дэпутата Дзяржаўнай думы Расеі Аляксандра Цярэнцьева.
Як вядома, марыянеткі Крамля Аксёнаў і Канстанцінаў згулялі вызначальныя ролі ў анэксіі Крыма Расеяй сёлета вясной.
Фота: РІА «Новости»