Патрык Мадзіяна атрымаў Нобелеўскую прэмію ў літаратуры
- 9.10.2014, 14:18
- 4,305
Французскі пісьменнік Патрык Мадзіяна стаў лаўрэатам Нобелеўскай прэміі ў літаратуры за 2014.
Імя лаўрэата было абвешчана 9 кастрычніка ў Стакгольме, піша БелаПАН.
Патрык Мадзіяна - сучасны французскі пісьменнік і сцэнарыст. Нарадзіўся ў 1945 годзе ў прыгарадзе Парыжа. Выдавацца пачаў у 1968 годзе. Лаўрэат Ганкураўскай прэміі 1978 за раман «Вуліца цёмных лавак».
Практычна ўсе творы пісьменніка аўтабіяграфічныя і (або) звязаныя з тэмай акупацыі Францыі падчас Другой сусветнай вайны.
Фільмы паводле сцэнароў Патрыка Мадзіяны здымалі Луі Маль і Патрыс Леконт.