Расейскага прафесара звольнілі пасля паездкі ў Днепрапятроўск

Прафесар Югорскага дзяржуніверсітэта Мікалай Карпіцкі быў звольнены пасля паездкі ў Днепрапятроўск.

У гэтым горадзе не першы год функцыянуе міжнародная рэлігіязнаўчая моладзевая школа, і Мікалай Карпіцкі - адзін з яе вядучых выкладчыкаў. Тэмы яго выступаў вельмі далёкія ад цяперашняй геапалітыкі: напрыклад, «Значэнне Бхагават - Гіты і Упанішад для сусветнай культуры», «Методыка падрыхтоўкі і напісання навуковых дакладаў і тэкстаў» і інш. Аднак, вярнуўшыся з Днепрапятроўска ў Ханты-Мансійск, прафесар даведаўся, што ён выключаны з камісіі ў прыёме кандыдацкіх экзаменаў, піша «Новая газета».

«ЮДУ ўкладае кантракты з выкладчыкамі на год, - тлумачыць Карпіцкі. - У чэрвені я паспяхова прайшоў абмеркаванне на кафедры, потым на вучоным савеце інстытута, які ўваходзіць у склад універсітэта. І там, і там мяне аднагалосна рэкамендавалі да перавыбрання. І раптам у верасні выключаюць з камісіі, хоць я ў ёй - адзіны доктар філасофскіх навук. Аддзел аспірантуры быў у здзіўленні: трэба тэрмінова шукаць замену, а гэта не так проста. Прарэктару па навуцы Кучыні прыйшлося прызнацца, што рэктар выкрасліла мяне праз тое, што я ездзіў ва Украіну. Не ведаю, хто ёй пра гэта далажыў: самі яны адсачылі, ці... Калегі сказалі мне, што гэта прызнанне выклікала ў іх шок».

Прафесар не выключае, што за ім маглі назіраць спецслужбы, і яны ж маглі даць указанне рэктару, паколькі інакш цяжка ўсё гэта растлумачыць. Кантракт у яго павінен быў скончыцца 30 верасня. «Я зразумеў, што мяне праваляць на ўніверсітэцкім савеце, і папрасіў вучонага сакратара дазволіць мне прысутнічаць на ім. Сакратарка сказала, што паседжанне закрытае, але калі будуць да мяне пытанні, мяне запросяць. Аднак не запрасілі, і прагаласавалі - не ўсе, але ў пераважнай большасці супраць маёй кандыдатуры: хто прысутнічаў на савеце, кажуць, што абмеркавання як такога не было - усе ведалі загадзя, як галасаваць.

Прафесар адправіў і размясціў у ЖЧ Зварот да рэктара ЮДУ Таццяны Кармінскай. У ім, прынамсі, гаворыцца, што пастанова аб спыненні з ім працоўных дачыненняў прынятая з парушэннем заканадаўства: «У пункце 5 Палажэння «Аб парадку замяшчэння пасад навукова-педагагічных работнікаў у вышэйшай навучальнай установе Расейскай Федэрацыі», (загад Міністэрства адукацыі РФ ад 26 лістапада 2002 г. № 4114) сказана, што прэтэндэнты на пасады маюць права прысутнічаць на пасяджэнні вучонага савета, які разглядаў іх кандыдатуры». А ў пункце 13 таго ж Палажэння прапісана, што работніку можа быць адмоўлена ва ўкладанні дамовы з ім на чарговы тэрмін, калі ён «не прайшоў конкурсны адбор на вучоным савеце ВНУ (факультэта, філіяла)». Аб якім адборы можа ісці гаворка без удзелу самога кандыдата?

«Перад пасяджэннем вучонага савета, - піша Карпіцкі. - Ад прарэктара ЮДУ Кучыні Р.В. я даведаўся, што перспектывы маёй працы ставіць пад сумнеў факт маёй паездкі ў перыяд адпачынку ва Украіну. Ніякіх іншых прэтэнзій мне ні разу нікім выстаўлена не было, і ні на адзін недахоп у маёй працы не пазначана...З гэтага вынікае, што прынятая пастанова з'яўляецца дыскрымінацыйнай не толькі ў дачыненні да мяне, але і ў дачыненні да іншых выкладчыкаў ЮДУ, якімі гэты факт будзе расцэнены як указанне на забарону развіцця навуковых кантактаў з калегамі з Украіны».