Завод «Лукойла» ў Румыніі могуць нацыяналізаваць
4- 9.10.2014, 19:48
- 8,866
Улады Румыніі могуць нацыяналізаваць нафтаперапрацоўчы завод «Петратэл» у горадзе Плаешці, што належыць кампаніі «Лукойл».
Пра гэта паведамляе агенцтва Bloomberg са спасылкай на прэзідэнта Румыніі Траяна Бэсэску, піша РБК.
«Лукойл» можа сыходзіць з Румыніі, калі ён не паважае закон», - заявіў Бэсэску, падкрэсліўшы, што агульная сума недаплачаных кампаніяй падаткаў можа перасягнуць €230 млн.
У сувязі з гэтым прэзідэнт Румыніі заклікаў урад быць гатовым забраць НПЗ у Плаешці ў дзяржуласнасць, калі «Лукойл» наважыць закрыць завод.
2 кастрычніка 2014 паліцыя і пракуратура Румыніі правялі ператрусы ў офісе НПЗ «Лукойл». Следчыя дзеянні прайшлі ў 23 офісах кампаній, якія належаць «Лукойлу». Ператрусы былі праведзеныя ў рамках расследавання крымінальнай справы аб ухіленні ад выплаты падаткаў і адмыванні грошай.
6 кастрычніка ўлады Румыніі запатрабавалі спыніць працу размешчанага ў горадзе Плаешці і які належыць кампаніі «Лукойл» нафтаперапрацоўчага завода «Петратэл».
Пазней віцэ-прэзідэнт «Лукойла» ў перапрацоўцы і збыце Уладзімір Някрасаў ІТАР-ТАСС заявіў, што выстаўленыя супраць румынскай «дочкі» «Лукойл» абвінавачванні не маюць сур'ёзных падстаў.
Фота: Валерый Шарыфулін/ТАСС