СБУ: Удзельнічаць у выбарах тэрарыстаў небяспечна, рыхтуюцца правакацыі
2- 1.11.2014, 11:28
- 7,029
Дарадца старшыні СБУ Маркіян Лубкіўскі заявіў, што падчас выбараў тэрарыстаў могуць адбыцца правакацыі.
Пра гэта ён сказаў у эфіры праграмы «Шустэр Live», паведамляе «Украінская праўда».
«Сам працэс галасавання і ўдзел у выбарах небяспечныя. Гэта аператыўная інфармацыя СБУ. На самай справе рыхтуюцца правакацыі для таго, каб потым абвінаваціць украінскую ўладу ў тым, што яна сарвала выбары, абвінаваціць Нацыянальную гвардыю, СБУ і г.д.», - заявіў Лубкіўскі.
«У нас ёсць інфармацыя аб тым, што заводзіцца ўніформа, заязджаюць людзі, каб гэтыя правакацыі правесці», - дадаў ён.
Акрамя таго, Лубкіўскі заявіў, што СБУ рыхтуецца даць прававую ацэнку дзеянням лідара партыі «Радзіма» Ігара Маркава, які быў побач з расейскім акторам Міхаілам Парэчанкавым на Данбасе.
«Кожная такая сітуацыя не застаецца па-за полем увагі СБУ. І такім учынкам, такім дзеянням таксама будзе дадзеная адпаведная прававая ацэнка», - паабяцаў дарадца кіраўніка СБУ.