Чарговы выбарчы фарс абыдзецца амаль у $10 мільёнаў
18- 12.11.2014, 11:33
- 10,579
Бюджэт прэзідэнцкіх «выбараў» 2015 складзе 100 млрд. рублёў. Гэта амаль у тры разы даражэй, чым было ў 2010 годзе.
Пра гэта паведаміла старшыня Цэнтрвыбаркама Лідзія Ярмошына, піша БелаПАН.
«Па сутнасці, гэтая выбарчая кампанія не належыць да катэгорыі самых дарагіх. Значна даражэй абыходзіцца правядзенне мясцовых выбараў, бо ў іх удзельнічае шмат кандыдатаў», - заявіла яна.
Ярмошына паведаміла, што пры планаванні выдаткаў на правядзенне прэзідэнцкіх выбараў «заўсёды закладваецца ўдзел блізу 15 кандыдатаў».
«Я не думаю, што іх будзе больш, так як пераадолець бар'ер з подпісаў (100 тыс.) вельмі цяжка», - сказала яна.
Бюджэт папярэдніх прэзідэнцкіх выбараў, якія прайшлі ў 2010 годзе, склаў 37 млрд. рублёў.