Еўракамісія пералічыла Украіне €260 мільёнаў
1- 12.11.2014, 16:21
- 4,437
Еўрапейская камісія сёння пералічыла Украіне крэдытны транш у 260 млн еўра ў рамках макрафінансавай дапамогі ЕЗ.
Пра гэта паведамляе "Лiга.нет" са спасылкай на сайт ЕК.
"Гэтая выплата дапаўняе 600 млн еўра, пераведзеных з траўня гэтага года ў рамках двух існуючых праграм макрафінансавай дапамогі ЕЗ. Пасля сённяшняй выплаты застаецца яшчэ 750 млн еўра, даступных Украіне паводле двух існуючых праграм", - удакладняе Еўракамісія.
Нагадаем, 17 кастрычніка кіраўнік ЕК Жазэ Мануэль Барозу ў Мілане заявіў, што Еўразвяз разглядае магчымасць павелічэння макрафінансавай дапамогі для Украіны. Ён дадаў, што павелічэнне фінансавання магчымае пры пэўных умовах.
Увесну Украіна і Еўразвяз узгаднілі пакет макрафінансавай дапамогі агульным аб'ёмам больш за 11 млрд еўра. Непасрэдна крэдыты складаюць 1,6 млрд еўра.