Tez Tour адключаюць ад сістэмы браніравання авіябілетаў «Аэрафлота»
3- 12.11.2014, 16:45
- 13,698
«Аэрафлот» бліжэйшым часам адключыць ад сістэмы браніравання білетаў аднаго з найбуйнейшых турыстычных аператараў - Tez Tour.
Пра гэта паведаміла крыніца «Інтэрфакса», блізкая да рады дырэктараў «Аэрафлота».
Крыніца: «Кампанія перастала аплачваць паслугі авіяперавозчыка. Гэта асноўная прычына адключэння ад сістэмы браніравання».
У авіякампаніі адмовіліся афіцыйна пацвердзіць гэтую інфармацыю. Раней «Аэрафлот» закрыў доступ да сістэмы браніравання некалькім турыстычным аператарам, у тым ліку «Ідэал Туру», «Капітал Туру», Eviterra. Адзначым: пасля ўсе гэтыя турфірмы прыпынілі сваю дзейнасць праз фінансавыя праблемы.
Нядаўна Tez Tour скараціў аб'ёмы зімовых турыстычных праграм у два разы. У фірме патлумачылі, што прычынай для гэтай пастановы сталі неспрыяльныя прагнозы аб руху турыстычнага рынку і нізкі курс рубля ў дачыненні да сусветных валют.
Фота: ТАСС