Кабмін Украіны зацвердзіў пагадненне аб дэмаркацыі мяжы з Беларуссю
1- 12.11.2014, 18:20
- 12,078
Неўзабаве пачнуцца работы на мясцовасці.
Украінскі Кабмін зацвердзіў пагадненне аб Палажэнні аб дэмаркацыі дзяржаўнай мяжы паміж Украінай і Рэспублікай Беларусь.
Пра гэта паведаміў міністр замежных спраў Украіны Павел Клімкін, паведамляе БелТА.
Паводле ягоных слоў, гэтым пагадненнем "фіксуюцца ключавыя параметры і сумеснай камісіі з Беларуссю, і (памежныя) знакі, якія будуць устанаўлівацца". Фактычна пачынаецца праца ў дэмаркацыі мяжы. "Мы ўжо вызначылі ўсе ўчасткі, працуем з беларускім бокам і часу не трацім", - падкрэсліў Клімкін. У бліжэйшы час пачнецца нанясенне маркіроўкі на мясцовасць.
Клімкін заявіў, што ў 2015 годзе трэба будзе ажыццявіць "асноўны аб'ём работ" у пытанні дэмаркацыі дзяржмяжы.
Агульная працяжнасць дзяржаўнай мяжы Украіны і Беларусі складае 1084,2 км.
У Беларусі раней былі спрошчаныя некаторыя працэдуры для правядзення дэмаркацыі мяжы з Украінай. Лукашэнка 1 верасня 2014 года падпісаў адпаведны ўказ №422 "Аб дэмаркацыі Дзяржаўнай мяжы Рэспублікі Беларусь з Украінай".