Упершыню ў гісторыі касмічны зонд высадзіўся на камету

Навукоўцы мяркуюць, што на паверхні можна выявіць ваду ці нават якія-небудзь формы жыцця.

Модуль Philae высадзіўся на паверхню каметы Чурумава-Герасіменкі на адлегласці 500 мільёнаў кіламетраў ад Зямлі, паведамляе RT.

Зонд прызямліўся на камету, каб вывучыць хімічны склад гэтага нябеснага цела. Сёння адбылося паспяховае адлучэнне зонда ад касмічнага апарата Rosetta, які даставіў даследчы модуль да каметы.

Пацвярджальны сігнал паступіў на пульт Еўрапейскага цэнтра кіравання палётамі ў Дармштадце.

Раней Rosetta запісала «гучанне» нябеснага цела шляхам вымярэння магнітнага поля паблізу каметы, якое было здзейсненае прыборамі апарата. Гэта магнітнае поле вагаецца на частотах 40-50 мілігерц, якія не ўспрымаюцца чалавечым вухам.

Каб ператварыць магнітныя асцыляцыі каметы ў гук, навукоўцы штучна павялічылі частату на фактар 1000. Паслухаць «гук» каметы можна ў блогу ESA.

Як паведамляе ТАСС, зонд Rosetta адправіўся ў космас у сакавіку 2004 года. Рухаючыся па складанай траекторыі вакол Сонца, апарат набліжаўся да арбіты Юпітэра, пралятаў побач з Марсам і тры разы - побач з Зямлёй.

З чэрвеня 2011 апарат знаходзіўся ў рэжыме спячкі - значная частка ягонага бартавога абсталявання была выключаная. Бартавое абсталяванне было зноў запушчана 20 студзеня. Падчас свайго касмічнага падарожжа Rosetta сфатаграфавала 120-кіламетровы астэроід Люцец - самы вялікі астэроід, які людзі змаглі разглядзець з такой блізкай адлегласці.

Праз велізарную адлегласць навукоўцы даведаюцца аб тым, ці была пасадка Philae Еўрапейскага касмічнага агенцтва (ЕSA) на камету Чурумава-Герасіменкі паспяховай, толькі праз 28 хвілін. Навукоўцы мяркуюць, што на паверхні можна выявіць ваду ці нават якія-небудзь формы жыцця. Для гэтага апарат возьме пробы грунту, прасвідраваўшы паверхню каметы на 20 см.