19 сакавiка 2024, aўторак, 5:37
Падтрымайце
сайт
Сім сім,
Хартыя 97!
Рубрыкі

Пуцін датэрмінова пакінуў саміт G20

133
Пуцін датэрмінова пакінуў саміт G20

Прэзідэнт Расеі датэрмінова пакінуў саміт «Вялікай дваццаткі» ў аўстралійскім Брысбене.

Уладзімір Пуцін зладзіў выніковую прэс-канферэнцыю ў нядзелю раніцай - калі астатнія ўдзельнікі саміту G20 сабраліся за працоўным сняданкам. Ён патлумачыў сваю пастанову пакінуць Брысбэн да апублікавання выніковага камюніке загружанасцю графіка і неабходнасцю крыху паспаць, паведамляе BBC.

«Каб не было тут ніякіх спекуляцый, чаму я не пайшоў на сняданак - застаўся тут міністар фінансаў, і ён паведаміць тое, што я распавёў пра нашы намаганні ў напрамку барацьбы з Эбола - сказаў Уладзімір Пуцін. - Нам адсюль да Уладзівастока ляцець 9 гадзін і ад Уладзівастока да Масквы яшчэ дзевяць гадзін. Яшчэ трэба да хаты дабрацца і ў панядзелак трэба на працу выйсці. Хоць бы чатыры-пяць гадзін трэба паспаць».

Апісваючы свае ўражанні ад саміту G20 Пуцін сказаў, што «гаспадары саміту стварылі спрыяльную атмасферу для працы «дваццаткі» добразычлівую і дзелавую атмасферу. Мяркую, што праца прайшла ў канструктыўнай абстаноўцы».

Расейскі прэзідэнт на саміце G20 апынуўся пад шквалам крытыкі з боку заходніх лідэраў у сувязі з роляй Масквы ў канфлікце на ўсходзе Украіны. Аднак на прэс-канферэнцыі ён распавёў, што на афіцыйных дыскусіяў пытанне Украіны не ўздымалася, а абмяркоўвалася толькі на двухбаковых сустрэчах, падчас якіх «бакам удалося зразумець адзін аднаго».

У прыватнасці, у суботу расейскі прэзідэнт сустракаўся з адным з галоўных крытыкаў расейскай палітыкі на Украіне - брытанскім прэм'ер-міністрам Дэвідам Кэмеранам, які сказаў: «Мы хочам бачыць з боку Расеі павагу да тэрытарыяльнай цэласнасці Украіны і да права гэтай краіны на выбар сваёй будучыні».

«Гутаркі былі вельмі адкрытымі, змястоўнымі, і, на мой погляд, карыснымі - так апісаў Уладзімір Пуцін гэтыя двухбаковыя сустрэчы. - Мне здаецца, мы змаглі з калегамі лепш адзін аднаго зразумець, зразумець матывы дзеянняў Расеі, і да мяне яны данеслі свае заклапочанасці. Думаю, што гэта нам дапаможа. Сітуацыя агулам, на мой погляд, мае добрыя перспектывы да ўрэгулявання, як гэта ні здаецца дзіўным».

Напісаць каментар 133

Таксама сачыце за акаўнтамі Charter97.org у сацыяльных сетках