Вялікая Брытанія даказала прысутнасць ва Украіне танкаў РФ
14- 19.11.2014, 16:46
- 49,611
Пасольства Вялікай Брытаніі ва Украіне абнародавала «дапаможнік для Крамля», каб дапамагчы Расеі распазнаць свае танкі на Данбасе.
Ён апублікаваны ў запісе дыпмісіі ў сетцы мікраблогаў «Твітэр».
Пасольства прадэманстравала інфаграфіку з фотаздымкамі трох танкаў Т-72 БМ, якія захавалі заходнія СМІ на Данбасе. Гэтыя танкі не выкарыстоўваюцца ўкраінскімі Узброенымі сіламі.
«Пуцін адмаўляе войскі і вайсковую тэхніку Расеі ва Украіне. Гэты дапаможнік дапаможа Крамлю распазнаць свае танкі», - суправадзіла інфаграфіку каментаром амбасада.
#Putin still denying #Russia’s troops & hardware are in #Ukraine. Here’s a guide to help the #Kremlin spot its tanks: pic.twitter.com/RYPeeK0Paf
— UK in Ukraine (@UKinUkraine) 19 ноября 2014Нагадаем, Расея адмаўляе пастаўкі ўзбраення баевікам на Данбасе і ўдзел сваіх войскаў і тэхнікі ў баях супраць украінскага войска.
