СБУ распачала крымінальную справу што да «выбараў» у ДНР і ЛНР
9- 2.11.2014, 11:30
- 7,447
Служба бяспекі Украіны распачала крымінальную справу што да «выбараў» у самаабвешчаных «Данецкай народнай рэспубліцы» і «Луганскай народнай рэспубліцы».
Пра гэта паведамляе прэс-цэнтр СБУ.
«Служба бяспекі Украіны адкрыла крымінальную справу па т.зв. выбарах у незаконныя органы ўлады тэрарыстычных арганізацый «Данецкая народная рэспубліка» і «Луганска народная рэспубліка», - гаворыцца ў паведамленні.
У СБУ адзначылі, што справа была зарэгістраваная ў Адзіным рэестры дасудовых расследаванняў як толькі адкрыліся ўчасткі. Справа распачатая паводле прыкметаў злачынства, прадугледжаных ч. 1 арт. 109 КК Украіны (дзеянні, накіраваныя на гвалтоўную змену або звяржэнне канстытуцыйнага ладу ці на захоп дзяржаўнай улады).
Раней СБУ папярэдзіла пра падрыхтоўку правакацый з боку баевікоў на гэтых «выбарах».