Еўрапейскія СМІ: Расея правяла выпрабаванні носьбітаў ядзернага ўзбраення

Цягам 72 гадзін Расея правяла вучэнні і выпрабаванні ўсіх трох тыпаў носьбітаў ядзернага ўзбраення.

Пра гэта піша еўрапейскае выданне BarentsObserver, якое спецыялізуецца на тэматыцы расейска-нарвежскіх стасункаў, піша Украінская праўда.

Зона выпрабаванняў расцягнулася ад Атлантыкі да Камчацкай паўвыспы, эпіцэнтрам выпрабавання быў рэгіён Баранцавага мора, адзначаюць журналісты. У вучэннях былі задзейнічаны касмічныя войскі, адказныя за запуск балістычных ракет, здольныя несці ядзерны зарад; стратэгічныя ядзерныя бамбавікі ВПС; атамныя падводныя лодкі, таксама абсталяваныя ядзернай зброяй.

У суботу раніцай на касмадроме Плясецк быў праведзены запуск ракеты Таполя-М шахтнага базавання, якая распрацаваная для нясення тэрмаядзернага зарада.

Запуск прызналі ў Мінабароны РФ, адзначыўшы, што за некалькі хвілін «вучэбная баявая частка ракеты ўразіла ўмоўную мэта на палігоне, размешчаную на паўвыспе Камчатка». У Мінабароны заявілі пра «надзвычай высокую дакладнасць навядзення ракеты». Адлегласць ад Плясецку да Петрапаўлаўска-Камчацкага перавышае 6000 км, што прыкладна на тысячу км менш адлегласці да Нью-Ёрка.

Раней ужо паведамлялася пра неаднаразовыя выпадкі несанкцыянаванага ўварвання расейскіх бамбавікоў Тую-95 у палётныя зоны дзяржаў Атлантыкі, у прыватнасці - Нарвегіі, Брытаніі і Партугаліі. Краінам NATO прыйшлося падымаць знішчальнікі для перахопу бамбавікоў, якія не адказвалі на запыты ў радыёэфіры.

Выданне прыводзіць заяву NATO аб тым, што такія няўзгодненыя палёты прадстаўлялі пагрозу грамадзянскай авіяцыі.

Трэці тып носьбітаў ядзернай зброі - атамныя падводныя лодкі - быў пратэставаны ў сераду, калі АПЛ «Юрый Далгарукі» правёў навучальны пуск ракеты «Булава», здольнай несці ядзерную зброю. Гэты запуск пазней таксама быў пацверджаны Мінабароны Расеі.

У кастрычніку прэзідэнт РФ Уладзімір Пуцін публічна параіў Захаду «не ціснуць на Расею» і нагадаў аб наяўнасці ў Расеі ядзернай зброі.