Жыхарам Данбаса масава ўручаюцца позвы ў «войска ДНР»
18- 2.11.2014, 14:25
- 20,119
Расея выкарыстоўвае «выбары» на акупаваных частках Данецкай і Луганскай абласцей, каб прыцягнуць як мага больш людзей да ўдзелу ў вайне супраць Украіны.
Пра гэта ў «Фэйсбуку» напісаў дарадца старшыні СБУ Маркіян Лубкіўскі.
«Паводле аператыўнай інфармацыі Службы, што пацвярджаецца, у прыватнасці, і позвамі, якія прапануюцца вашай увазе, сённяшнія так званыя выбары ў ДНР і ЛНР Расейская Федэрацыя плануе выкарыстаць для папаўнення колькаснага складу падраздзяленняў уласных Узброеных Сіл.
На сёння выраблена і дастаўлена на кантраляваныя баевікамі тэрыторыі больш за 30 000 позваў, якія ўручаюцца асобам прызыўнога ўзросту. За адмову з’явіцца ў прызыўныя пункты маладыя людзі будуць карацца паводле расейскага заканадаўства», - паведаміў Лубкіўскі.