На ўскраіне Гародні прайшлі начныя гонкі экстрэмалаў

Паўдзельнічаць у экстрэмальных начных заездах адважыліся 16 аўтааматараў.

Гонкі прайшлі на пляцоўцы ДАІ ў Панямуні вечарам у пятніцу, 31 кастрычніка, піша «Вячэрні Гродна».

Удзельнікі павінны былі праехаць на хуткасць па неасветленай трасе, пазначанай конусамі, распавёў адзін з арганізатараў трэніровачных заездаў Павел Мікалаевіч. Выпрабаваць свае сілы мог любы жадаючы, аднак смельчакоў было няшмат. Затое гледачоў сабралася блізу 200 чалавек. Галоўнай мэтай заездаў, са слоў арганізатараў, была трэніроўка навыкаў кіравання, пераадолення перашкод у цёмны час дня.