Дзяды ў Варшаве: беларусы наведалі магілы вядомых землякоў
1- 2.11.2014, 20:14
- 8,996
Акцыя ў Дзень памяці продкаў прайшла ў польскай сталіцы.
У ёй, як стала вядома charter97.org, прынялі ўдзел каля 25 чалавек.
Удзельнікі акцыі сабраліся каля гіпермаркета Arkadia і прайшлі шэсцем да могілак Павонзкі. Менавіта ў гэтым месцы знайшлі апошні прытулак кампазітар Станіслаў Манюшка, нявеста Кастуся Каліноўскага Марыся Ямант, фатограф Ян Булгак, пісьменнік і публіцыст Адам Плуг, фалькларыст Міхал Федароўскі, пісьменнік і сцэнарыст Тадэвуш Даленга-Мастовіч.
На магілах беларусаў былі запаленыя памінальныя свечкі і ўскладзеныя кветкі.
Фота: charter97.org
