«Дынама-Менск» перамагло «Металург» у чэмпіянаце КХЛ

Хакеісты менскага «Дынама» перамаглі новакузнецкі «Металург» у матчы рэгулярнага чэмпіянату КХЛ.

Такім чынам яны завяршылі чарговую хатнюю серыю на мажорнай ноце перад няпростым шасціматчавым выездам, - паведамляе БелТА.

«Дынама-Менск» - «Металург» (Новакузнецк) - 4:1 (0:1, 3:0, 1:0).

«Менск-Арэна». 14100 гледачоў.

«Дынама»: Тэйлар; Нагачоў - Бэйлен, Калюжны (к) - Шчахура - Мацярухін; Гарошка - Крайчэк, Кулакоў - Элісан - Веске; Лисавец - Шынкевіч, Мялешка - А. Усенка - Развадоўскі; К. Захараў - Дрозд - Лапачук; Філічкін.

«Металург»: Хакімаў; Куклеў - Фэйрчайлд, Д. Мальцаў - Курапанаў - Раманаў; Гаўрылычаў - Белахвосцікаў, Камарысты - Гарыфулін - Галімаў; Скутар - Зотаў, Мітракоў - Стоа - Касаураў (к); Сянцюрын - О'Браен - Плотнікаў; Дарафееў, Капрызаў.

Шайбы: 0:1 - Д. Мальцаў (Курапанаў, 19.30), 1:1 - Кулакоў (Крайчэк, Бэйлен, 23.58, у большасці), 2:1 - Бэйлен (Веске, Калюжны, 31.30, у большасці), 3:1 - Дрозд (К. Захараў, 36.03), 4:1 - Мялешка (К. Захараў, 45.04).

Кідкі: 22 - 26.

Штраф: 10 - 10.

Пасля 23 паядынкаў у чэмпіянаце КХЛ у актыве менскага «Дынама» стала 43 ачкі пры розніцы шайб (64-53) і яна паднялася на 5-ю пазіцыю (у зоне плэй-оф) Заходняй канферэнцыі КХЛ.

Далей менскіх«зуброў» чакае няпростая шасціматчавая выязная серыя, якая ўключыць у сябе матчы з хабараўскім «Амурам» (5 лістапада), уладзівастоцкім «Адміралам» (7 лістапада), хельсінкскім «Йокерытам» (12 лістапада), рыжскім «Дынама» (14 лістапада), санкт-пецярбургскім СКА (17 лістапада) і загрэбскім «Медвешчаком» (19 лістапада).