Кошт на Brent надалей падае

Нафта маркі Brent надалей таннее на фоне статыстыкі запасаў энэрганосьбітаў у ЗША.

Сусветныя кошты нафты дэманструюць рознанакіраваную дынаміку на фоне чакання інвестарамі сустрэчы АПЕК, на якой краіны могуць прыняць пастанову аб скарачэнні аб'ёмаў здабычы.

Пра гэта сведчаць звесткі таргоў, піша «Прайм».

Паводле стану на 8.03 па менскім часе кошт снежаньскіх ф'ючэрсаў на нафту маркі WTI павялічваўся на 0,45% і складаў 74,95 даляра за барэль. Кошт студзеньскіх ф'ючэрсаў на паўночнаморскую нафтавую сумесь маркі Brent зніжаўся на 0,31% - да 78,23 даляра за барэль.

Нафта маркі Brent надалей таннее на фоне статыстыкі па запасах энэрганосьбітаў у ЗША.

19 лістапада Мінэнэрга ЗША паведаміла пра рост камерцыйных запасаў нафты ў краіне за тыдзень, завяршылася 14 лістапада, на 2,6 мільёна барэляў, або на 0,7% - да 381,1 мільёна барэляў. Пры гэтым аналітыкі, наадварот, чакалі скарачэння запасаў на 780 000 барэляў.

Інвестары чакаюць скарачэння аб'ёмаў здабычы нафты краінамі АПЕК. Сустрэча краін-сябраў АПЕК адбудзецца 27 лістапада ў Вене.

Краіны пастановяць, ці пойдуць яны на скарачэнне здабычы на фоне пагаршэння прагнозаў спажывання нафты ў свеце, істотнага павелічэння здабычы ў ЗША, а таксама значнага зніжэння коштаў нафты.

Сусветныя кошты нафты зніжаліся апошнія некалькі месяцаў, дасягаючы шматгадовых мінімумаў. Кіраўнік упраўлення па энэргетычнай інфармацыі (EIA) Мінэнэрга ЗША Адам С’емінскі ў сераду заявіў, што мяркуе магчымым падзенне коштаў нафты да 50 даляраў за барэль.

Фота: Getty Images