Беларусы хочуць кінуць паліць з дапамогай іголак, морквы і гіпнозу

Беларусы актыўна выкарыстоўваюць інтэрнэт, каб знайсці эфектыўныя спосабы адмовы ад шкодных звычак.

Толькі ў кастрычніку блізу 7 тыс запытаў былі ў той ці іншай форме прысвечаныя таму, як кінуць паліць. Такія вынікі даследавання, праведзенага кампаніяй «Яндэкс» напярэдадні Міжнароднага дня адмовы ад курэння, паведамілі charter97.org у кампаніі.

У першую чаргу беларусаў цікавяць найбольш хуткія спосабы адмовы ад тытуню, напрыклад, «як кінуць паліць за адзін дзень». Прыкладна ў палове выпадкаў карыстальнікі шукаюць канкрэтны метад: з вялікім адрывам тут лідзіруе «Лёгкі спосаб кінуць паліць» - кніга Алена Кара. Беларускіх карыстальнікаў таксама цікавіць, як адмовіцца ад шкоднай звычкі з дапамогай спецыяльных магнітаў, народных сродкаў, кадавання, таблетак і спрэяў, пластыраў, іглаўколвання і нават гіпнозу. Сустракаюцца ў запытах і больш экзатычныя спосабы завязаць з курэннем: напрыклад, з дапамогай морквы, замоў і малітваў, сухафруктаў, кліпса і спецыяльных заняткаў ёгай.

Значная частка запытаў аб барацьбе з курэннем звязана з самімі курцамі: у пошуку пытаюцца, «як кінуць паліць жанчыне» і «што адбываецца з арганізмам, калі кідаеш паліць».

Усяго ў кастрычніку беларускія карыстальнікі «Яндэкса» задалі больш за 70 тыс запытаў аб курэнні, цыгарэтах ды тытуню. Амаль трэць была прысвечана электронным цыгарэтам - карыстальнікі высвятлялі, ці шкодныя яны для здароўя і дзе іх можна купіць. Аб звычайных цыгарэтах пыталіся трохі радзей - у гэтай тэме карыстальнікаў у першую чаргу хвалявала змяненне коштаў на цыгарэты, а таксама звесткі аб тым, якую шкоду здароўю яны наносяць.

Даследаванне на аснове пошукавых запытаў падрыхтавана кампаніяй «Яндэкс» да Міжнароднага дня адмовы ад курэння, які адзначаецца ў многіх краінах свету ў трэці чацвер лістапада. Аналітыкамі былі улічаныя ўсе запыты аб курэнні, цыгарэтах ды тытуню, зададзеныя беларускімі карыстальнікамі «Яндэкса» ў кастрычніку 2014 года.