Беларускія псіхолагі раяць маладым жыць асобна ад бацькоў

Калі маладыя жывуць са сваімі бацькамі, то адна сістэма перашкаджае іншай.

Такое меркаванне выказала кандыдат псіхалагічных навук, дацэнт кафедры псіхалогіі Менскага дзяржаўнага лінгвістычнага ўніверсітэта Галіна Вержыбок на онлайн-канферэнцыі, якая адбылася на сайце БелТА.

"Калі сям'я фізічна аддзеленая ад сваіх бацькоў, ёй будзе лягчэй і псіхалагічна. Калі маладыя жывуць са сваімі бацькамі, то адна сістэма перашкаджае іншай. У такім выпадку могуць узнікнуць рознагалоссі нават у самым дробязным пытанні. Акрамя таго, людзям можа не хапаць асабістай прасторы. Цяпер моладзь стараецца жыць асобна ад бацькоў», - сказала Галіна Вержыбок.

Са слоў псіхолага, калі маладым не ўдаецца развязаць кватэрнае пытанне і яны пачынаюць жыць з бацькамі, сваякі павінны прыняць выбар свайго дзіцяці, як бы ні было гэта складана.

У сваю чаргу сямейны псіхолаг Раман Кручкоў звярнуў увагу, што калі пара стварае сям'ю, у іх павінна быць нейкая матэрыяльная база. "І часта гэта вялікая праблема: людзі, здаецца б, ужо дарослыя, але забяспечваць сябе самі пакуль не могуць, - дадаў ён. - Калі сем'і пачынаюць жыць разам, бацькі павінны абмеркаваць з дзецьмі, колькі маладыя будуць жыць у іх, на якіх умовах, як будуць дзяліцца выдаткі на харчаванне і іншыя пытанні - іншымі словамі, выбудаваць пэўныя правілы і межы. Па-другое, трэба пазбегнуць утрыманскіх настрояў".