Надвор'е на выходных: снег і маразы
7- 20.11.2014, 19:00
- 23,936
Тэмпература паветра ў Беларусі прадаўжае зніжацца.
Пра гэта паведаміла карэспандэнту БелТА галоўны сіноптык Рэспубліканскага гідраметэацэнтра Святлана Рыбакова.
"Да сярэдзіны гэтага тыдня ў многіх раёнах сярэднесутачная тэмпература паветра стала адмоўнай, - адзначыла Святлана Рыбакова. - У далейшым пахаладанне толькі ўзмоцніцца, што дазваляе канстатаваць пачатак зімы, якая прыйшла ў звычайныя для гэтага тэрміны".
Пры гэтым снег выпаў толькі на паўднёва-захадзе краіны, дзе сфарміраваўся снежны полаг, вышыня якога месцамі дасягнула 10-15 см.
У пятніцу ў заходніх раёнах Беларусі чакаюцца ападкі ў выглядзе дажджу і мокрага снегу, захаваецца галалёд, на дарогах - галалёдзіца, у начныя гадзіны месцамі чакаюцца моцныя ападкі. Тэмпературны фон па рэспубліцы складзе ноччу ад 0 да мінус 6 градусаў, па ўсходзе пры праясненнях будзе да 9 градусаў марозу. Тэмпература паветра днём складзе ад мінус 3 да 3 градусаў са знакам плюс.
У выходныя дні (22-23 лістапада) на тэрыторыі рэспублікі захаваецца халоднае надвор'е з тэмпературамі паветра ўначы ад 1 да 7 градусаў марозу, па ўсходзе пры праясненнях чакаецца да мінус 9 градусаў. Днём будзе ад мінус 3 да 2 градусаў са знакам плюс. "Пад уплывам франтальнага падзелу, які губляе актыўнасць, у суботу ў заходніх і цэнтральных раёнах, а ў нядзелю месцамі па рэспубліцы чакаецца снег, - дадала галоўны сіноптык. - Асобныя ўчасткі дарог будуць слізкімі".
У пачатку наступнага тыдня ў Беларусі чакаецца халоднае, пераважна без ападкаў надвор'е. Тэмпература паветра ў начны час складзе мінус 3-10 градусаў, пры праясненнях па ўсходзе краіны - да 12 градусаў са знакам мінус. Днём чакаецца ад мінус 4 да 2 градусаў вышэй за нуль.