Камароўскі заклікаў дзейнічаць на апярэджанне супраць агрэсіі Расеі

Прэзідэнт Польшчы мяркуе, што развітыя дзяржавы павінны дзейнічаць на апярэджанне ў пытанні агрэсіі Расейскай федэрацыі супраць Украіны.

Як паведамляе карэспандэнт УНИАН, пра гэта Камароўскі сказаў удзельнікам першага Варшаўскага форуму ў пытаннях бяспекі, які праходзіць у польскай сталіцы 20-21 лістапада.

«Трэба дзейнічаць на апярэджанне, уласна так дзейнічаюць тады, калі ёсць перакананне, што нельга стрымаць гэту з'яву, нельга рабіць выгляд, што яна хутчэй за ўсё скончыцца», - сказаў Камароўскі.

Ён назваў неабходным супрацоўніцтва заходніх дзяржаў у кантэксце новай сітуацыі з бяспекай праз дзеянні Расеі і выпрацоўкі агульнага бачання, як на гэта рэагаваць.

«Без вызначэння стратэгічных падмуркаў палітыкі бяспекі, без стратэгічнага вызначэння пазіцыі ЕЗ нам пагражае падпарадкаванне зменаў, якія дыктуе хтосьці іншы ў зусім чужым сцэнары», - сказаў Камароўскі.

Кіраўнік польскай дзяржавы адзначыў, што змены ў пытаннях бяспекі, якія наступілі пасля расейскай агрэсіі супраць Украіны, з'яўляюцца «хутчэй за ўсё сталымі або па крайняй меры доўгачасовымі», і гэта варта адкрыта прызнаць.

Ён заўважыў, што ў рэчаіснасці тое, што робіць Расея, не з'яўляецца новым, і свет ужо меў справу з гэтым у мінулым, калі дзейнічаў Савецкі саюз.

«Вяртанне да логікі сфер ўплыву, права мацнейшага і беспярэчнага імперскага дамінавання над больш слабымі суседзямі, якія нібыта абавязаныя быць паслухмянымі сатэлітамі, - гэта для нас не новая. Мы яшчэ 25 гадоў таму назад функцыянавалі ў такой сітуацыі», - заўважыў ён.

У той жа час Камароўскі назваў «абсалютна неабходным» дыялог з Расеяй для ўсіх бакоў, прызнаўшы, што не варта мець «наіўных спадзяванняў», што гэта дазволіць «хутка знайсці пазітыўнае развязванне» канфлікту ва Украіне.

Фота: niezalezna.pl