«Палатачнікі» сабраліся з візітам у Чэхію
7- 21.11.2014, 20:00
- 5,919
Беларуская парламенцкая дэлегацыя наведае Чэхію з 23 па 25 лістапада.
Беларуская парламенцкая дэлегацыя на чале з намеснікам старшыні палаты прадстаўнікоў Віктарам Гумінскім наведае Чэхію з 23 па 25 лістапада. Пра гэта паведамілі БелТА ў прэс-службе палаты прадстаўнікоў.
У склад дэлегацыі таксама ўваходзяць старшыня пастаяннай камісіі палаты прадстаўнікоў у прамысловасці, паліўна-энергетычным комплексе, транспарце і сувязі Дзмітрый Харытончык, старшыня пастаяннай камісіі палаты прадстаўнікоў у аграрнай палітыцы Віктар Шчацько.
"Падчас візіту запланаваныя сустрэчы са старшынёй палаты дэпутатаў парламента Чэхіі Я.Гамачэкам, чальцамі камітэтаў Палаты дэпутатаў сельскай гаспадаркі і прамысловасці, кіраўніцтвам Паўднёвачэшскага краю, Міністэрства сельскай гаспадаркі Чэхіі", - распавялі ў прэс-службе.