Галоўбух «Цэмбудрамонт» абакрала прадпрыемства амаль на паўмільярда рублёў

Расследаванне крымінальнай справы ў дачыненні да галоўнага бухгалтара прадпрыемства прадаўжаецца.

Упраўленне Следчага камітэта ў Магілёўскай вобласці распачала крымінальную справу ў дачыненні да галоўнага бухгалтара будаўнічага унітарнага прадпрыемства "Цэмбудрамонт", якая падазраецца ў крадзяжы грашовых сродкаў у асабліва буйным памеры.

Як паведаміла БелаПАН афіцыйны прадстаўнік УСК у Магілёўскай вобласці Аксана Салянюк, 34-гадовая жанчына, з'яўляючыся службовай асобай, якая выконвае арганізацыйна-распарадчыя і адміністрацыйна-гаспадарчыя абавязкі, са студзеня 2012 года па чэрвень 2014 года скрала грашовыя сродкі прадпрыемства на суму больш за 400 млн. рублёў шляхам неабгрунтаванай выплаты заработнай платы работнікам.

"Названыя абставіны пацвярджаюцца актамі праверак. Падчас расследавання канфіскаваныя фінансавыя дакументы, якія прааналізаваныя і далучаныя да матэрыялаў крымінальнай справы. У следства ёсць падставы меркаваць, што сума страты, нанесенай прадпрыемству, значна вышэй за ўжо ўстаноўленую", - сказала Салянюк.

Расследаванне справы, распачатай паводле вынікаў даследчай праверкі УБЭЗ Магілёўскага аблвыканкама паводле ч. 4 арт. 210 КК (крадзеж шляхам злоўжывання службовымі паўнамоцтвамі ў асабліва буйным памеры), прадаўжаецца.