Паводле факта ДТЗ пад Талачынам распачатая крымінальная справа

За стырном аднаго з аўтамабіляў, якія сутыкнуліся, быў грамадзянін Польшчы.

Паводле факта дарожна-транспартнага здарэння, якое адбылося 21 лістапада ў Талачынскім раёне Віцебскай вобласці, у якім загінулі два чалавекі, распачатая крымінальная справа, паведамілі БелТА ў Следчым камітэце.

Крымінальную справу паводле ч. 3 арт. 317 (парушэнне правілаў дарожнага руху, што пацягнула па неасцярожнасці смерць двух асоб) КК, распачаў Талачынскі РАСК.

Як высветлілася, 21 лістапада блізу 09.00 кіроўца грузавога аўтамабіля "Рэно Магнум" каля вёскі Ельнікі Талачынскага раёна не справіўся з кіраваннем, выехаў на паласу сустрэчнага руху і сутыкнуўся з легкавой аўтамашынай "Таёта Авенсіс". У выніку ДТЗ кіроўца і пасажыр "Таёты" загінулі, а кіроўца "Рэно" (грамадзянін Польшчы 1968 года нараджэння) з траўмамі рознай ступені цяжкасці дастаўлены ў Талачынскую ЦРБ.

На месца здарэння неадкладна прыбылі следчыя Талачынскага РАСК, апарата ўпраўлення СК Віцебскай вобласці, супрацоўнікі органаў унутраных спраў, спецыялісты Дзяржаўнага камітэта судовых экспэртыз. У сапраўдны час следчыя працягваюць працу на месцы здарэння. Прызначаны шэраг судовых экспэртыз.