Апазіцыя Бахрэйна: Выбары не адбыліся праз байкот
- 23.11.2014, 11:05
- 3,078
Улады і апазіцыя спрачаюцца аб выніках парламенцкіх і муніцыпальных выбараў у Бахрэйне.
Паводле звестак выбаркаму, у іх узялі ўдзел 51% грамадзян, шыіцкія арганізацыі сцвярджаюць, што колькасць грамадзян, якія галасавалі, не перавысіла 30%, паведамляе BBC.
Апазіцыянеры вінавацяць улады ў прымусе людзей да галасавання, афіцыйныя асобы сцвярджаюць, што праціўнікі рэжыму ў шэрагу месцаў спрабавалі перашкаджаць выбаршчыкам дайсці да ўчасткаў.
Кааліцыя апазіцыйных груп, вядучую ролю ў якой адыгрывае шыіцкая арганізацыя «Аль-Вефак», раней назвала галасаванне «падманам» і заклікала байкатаваць яго.
Усеагульнае галасаванне ў Бахрэйне праводзілася ўпершыню пасля падзей 2011 года, калі масавыя выступы шыітаў былі задушаныя мясцовымі сіламі бяспекі з дапамогай саудаўскіх вайскоўцаў.