Льюіс Хэмілтан стаў двухразовым чэмпіёнам «Формулы 1»
4- 23.11.2014, 19:10
- 7,057
Брытанец Льюіс Хэмілтан, які выступае за каманду Mercedes, заваяваў званне чэмпіёна свету ў аўтагонках класа «Формула 1».
Выніковую перамогу ён аформіў на «Гран-пры Абу-Дабі», заключным этапе чэмпіянату ў гэтым сезоне, паведамляе «Інтэрфакс».
Адзіным канкурэнтам брытанскага пілота заставаўся ягоны партнёр па камандзе немец Ніка Росберг. Перад гонкай ягонае адставанне ад лідара складала 17 ачкоў. Аднак Льюіс Хэмілтан у выніку ўмацаваў сваю перавагу: ён перамог у гонцы ў Абу-Дабі.
Такім чынам, брытанец стаў двухразовым чэмпіёнам свету. Другое месца заняў Ніка Росберг, трэцяе - Дэніэл Рык’ярда з каманды Red Bull.
Кубак канструктараў раней датэрмінова выйграў Mercedes.