Быхаўскі «вертыкальшчык» атрымаў чатыры гады калоніі

Былы намеснік старшыні Быхаўскага райвыканкама атрымаў 4 гады калоніі ўзмоцненага рэжыму.

Пра гэта паведамілі БелТА ў прэс-службе Вярхоўнага суда.

«Судом Чавускага раёна вынесены прыгавор у крымінальнай справе ў абвінавачванні былога намесніка старшыні Быхаўскага райвыканкама ва ўчыненні злачынства, прадугледжанага ч.3 арт.426 КК Рэспублікі Беларусь. Абвінавачаны Скалуба прызнаны вінаватым у наўмысным здзяйсненні службовай асобай дзеянняў, якія відавочна выходзяць за межы правоў і паўнамоцтваў, дадзеных яму па службе, якія пацягнулі прычыненне істотнай шкоды правам і законным інтарэсам грамадзян, дзяржаўным і грамадскім інтарэсам (перавышэнне ўлады або службовых паўнамоцтваў), якія былі здзейсненыя з карыслівай і іншай асабістай зацікаўленасці, асобай, якая займае адказнае становішча», - распавялі ў прэс-службе.

Судом абвінавачанаму прызначана пакаранне ў выглядзе пазбаўлення волі тэрмінам на 5 гадоў з адбываннем пакарання ў папраўчай калоніі ва ўмовах узмоцненага рэжыму з канфіскацыяй маёмасці і з пазбаўленнем права займаць пасады, звязаныя з выкананнем функцый прадстаўніка ўлады, тэрмінам на 5 гадоў.

На падставе арт.7 ч.1 абз.3 закона ад 2014/06/17 «Аб амністыі ў сувязі з 70-годдзем вызвалення Беларусі ад нямецка-фашысцкіх захопнікаў» абвінавачваны Скалуба вызвалены ад адбыцця асноўнага пакарання ў выглядзе пазбаўлення волі часткова, тэрмінам на 1 год.

Прысуд у законнае дзеянне не ўвайшоў і можа быць абскарджаны ва ўстаноўленым законам парадку.