Хэрман Ван Рампей: Крызіс ва Украіне можа прывесці да забойнай вайны

Украінскі крызіс уяўляе сабой самы сур'ёзны геапалітычны крызіс, які перажывае Еўропа з канца халоднай вайны.

Прэзідэнт Еўрапейскай рады Хэрман Ван Рампей заяўляе, што крызіс ва Украіне можа ператварыцца ў вайну больш забойную, чым вайна на Балканах. Пра гэта ён заявіў 25 лістапада, выступаючы ў Парыжы ў Інстытуце палітычных даследаванняў, піша euplus.info.

«Украінскі крызіс пасля Крыма ўяўляе сабой самы сур'ёзны геапалітычны крызіс, які мы перажывалі ў Еўропе з канца халоднай вайны. Горш, ён вядзе да вайны на кантыненце, вайны, якая рызыкуе стаць самай забойнай пасля балканскіх войнаў», - сказаў прэзідэнт Еўрапейскай рады.

Ён адзначыў, што тое, што адбываецца на ўсходзе Украіны ён больш не называе спыненнем агню, паколькі з моманту прыняцця пастановы аб гэтым, загінулі блізу 1000 чалавек. Пры гэтым, са слоў Рампея, новыя пагадненні аб спыненні агню напаткае тая ж доля, калі не будуць прынятыя іншыя важныя пастановы.

«Трэба глабальная пастанова, трэба знайсці спосаб для Украіны быць дэцэнтралізаванай (федэралізаванай) краінай. Трэба вызначыць месца Украіны ў Еўропе», - сказаў ён.

Прэзідэнт Еўрапейскай рады, які завяршае сваю кар'еру, выказаў меркаванне пра тое, што Украіна павінна мець магчымасць збліжацца з Еўрапейскім Звязам, як гэтага хоча большасць насельніцтва і магчымасць захаваць «карэктныя стасункі» з Расеяй.

На ягоную думку, неабходна сабраць усіх зацікаўленых асоб за круглым сталом і паспрабаваць выпрацаваць пагадненні, па тыпу пагадненняў у Осла 1993 аб урэгуляванні ізраільска-палестынскага канфлікту.

Кажучы пра рэакцыю ЕЗ на сітуацыю ва Украіне Рампей адзначыў, што было вельмі складана чакаць аднагалоснай пастановы па шэрагу пытанняў, якія тычацца Украіны, у прыватнасці, у дачыненні да санкцый. «Тым не менш, нам удалося. Гэта дэманструе агульную рашучасць і разуменне агульных стратэгічных інтарэсаў, што падолелі мяшчанскія разлікі», - сказаў прэзідэнт Еўрапейскай рады.