Пуцін звернецца да Федэральнага сходу 4 снежня
11- 26.11.2014, 16:46
- 11,495
Расейскі прэзідэнт Уладзімір Пуцін выступіць з пасланнем да Федэральнага сходу 4 снежня.
Пра гэта паведаміла спікер верхняй палаты парламента РФ Валянціна Мацвіенка, паведамляе BBC.
"Чацвёртага снежня адбудзецца сумеснае пасяджэнне абедзвюх палат парламента Федэральнага сходу ў Вялікім Крамлёўскім палацы для заслухоўвання паслання прэзідэнта", - паведаміла Мацвіенка.
Пачатак мерапрыемства запланаваны на 12:00. У мінулым годзе Уладзімір Пуцін, звяртаючыся да парламента, выказаў незадаволенасць мерамі, што прымаюцца выканаўчай уладай для рэалізацыі мэтаў, закладзеных у яго "травеньскіх указах" мінулага года.
Кажучы пра страты бюджэту, Пуцін тады закрануў праблему афшорных кампаній: з ягоных звестак, праз афшоры ў 2012 годзе прайшлі расейскія сродкі на агульную суму 11 млрд даляраў. Пуцін заявіў, што даходы кампаній, зарэгістраваных у афшорах, але якія належаць расейцам, павінны абкладацца падаткамі паводле расейскага заканадаўства.