Расейскі рубель узмацніў падзенне перад пасяджэннем АПЕК

За два дні расейскі рубель патаннеў на 5% у адносінах да сусветных валют.

Расейскі рубель паскорыў падзенне да даляра і абнавіў мінімум з 19 лістапада, дасягнуўшы 47 рублёў за даляр, піша zn.ua.

Рубель падае другія таргі запар, за два дні даляр дадаў каля 2 рублёў (4,7%), еўра - амаль 3 рубля (5,1%). Эксперты звязваюць гэта падзенне з асцярогамі зніжэння сусветных коштаў на нафту пасля сустрэчы АПЕК, з геапалітычнай напругай, а таксама з чаканнямі скарачэння попыту на рублёвую ліквіднасць у сувязі са сканчэннем перыяду падатковых выплат.

"Ліха пайшлі наверх, зараз фактычна валютнага оффера няма, раніцай быў невялікі - яго выкупілі. Пасля падзення валюты да выплаты падаткаў пачаўся яе водкуп на больш нізкіх узроўнях, да гэтага дадалося зніжэнне чаканняў, што АПЕК пойдзе на скарачэнне здабычы", - сказаў Дзмітрый Дзееў з банка Credit Suisse.

Паўночнамарская сумесь Brent гандлюецца з мінімальнымі зменамі ля адзнакі 78,50 даляра напярэдадні пасяджэння АПЕК, з нагоды якога аналітыкі даюць разнастайныя прагнозы рашэння аб здабычы - ад зніжэння на 1 мільён барэляў у дзень да захавання цяперашняга аб'ёму.

"Заўтра адбудзецца доўгачаканае пасяджэнне выканкама АПЕК аб праблеме перагляду квот на здабычу нафты, аднак у святле ўчорашняй сустрэчы прадстаўнікоў Расеі, Мексікі, Венесуэлы і Саудаўскай Аравіі верагоднасць пазітыўнага сцэнарыя для нафтавых коштаў моцна скарацілася. Саудаўская Аравія адмовілася каардынаваць скарачэнне квот, а гэта можа азначаць іх намеры захаваць квоты ў рамках пасяджэння картэлі", - адзначылі аналітыкі Росбанка.