Беларусь мае намер купляць малако ў Эстоніі
11- 26.11.2014, 19:40
- 10,268
Тлумачыцца гэта ўзросшым попытам на беларускія малочныя прадукты з боку Расеі.
На гэтым тыдні міністр сельскай гаспадаркі Эстоніі Івар Падар знаходзіцца з візітам у Беларусі. У Менску Падар сустракаецца з беларускім міністрамі сельскай гаспадаркі і гандлю, а таксама з прадстаўнікамі прадпрыемстваў малочнай і рыбнай прамысловасці.
Як паведаміў тэлеканал ERR, Амбасада Беларусі ў Эстоніі ў пачатку лістапада прапанавала закупляць малако ў гэтай прыбалтыйскай краіне. Такая зацікаўленасць тлумачыцца ўзросшым попытам на беларускія малочныя прадукты з боку Расеі.
З 2004 года Эстонія не экспартавала малако і малочныя прадукты ў Беларусь. Пасля візіту эстонскай дэлегацыі ў Менск стануць вядомыя далейшыя крокі супрацоўніцтва дзвюх краін.
Са жніўня 2014 Расея забараніла ўвоз у тым ліку і эстонскай малочнай прадукцыі.