Прадавец сельскага магазіна інсцэнавала налёт і падпал

Раней судзімая прадаўшчыца прамантачыла чужыя грошы і напярэдадні рэвізіі вырашыла замесці сляды.

Прадавец сельскага магазіна ў Смаргонскім раёне паведаміла ў міліцыю, што падвергнулася нападу двух невядомых. Уварваўшыся ў краму, налётчыкі нібыта прыставілі да яе горла нож, расплюхалі гаручую вадкасць, падпалілі гандлёвы пункт і схаваліся, паведамляе «Гродзенская праўда».

Нарад міліцыі прыбыў на месца здарэння аператыўна, але замест агорнутай полымем крамы ўбачылі на ганку прадаўшчыцу, якая спакойна стаяла, а пад яе нагамі палала пластыкавая ёмістасць. На пытанне, чаму яна не тушыць агонь, жанчына паціснула плячыма і заявіла, што вогнетушыцель занадта цяжкі. Вартавыя парадку самі ліквідавалі полымя, пасля чаго ўвайшлі ўнутр, дзе затушылі яшчэ некалькі тлеўшых гаспадарчых тавараў. Пасля гэтага да агляду месца здарэння прыступілі следчыя і эксперты, у якіх адразу ўзніклі падазрэнні адносна расказанай прадаўшчыцай гісторыі. Ужо занадта непраўдападобнай яна выглядала.

Высветлілася, што налёту з падпалам не было і ў памоўцы. Проста раней судзімая за карыслівыя злачынствы прадаўшчыца, прапрацаваўшы тры няпоўныя месяцы, прамантачыла чужыя грошы і напярэдадні рэвізіі вырашыла замесці сляды. Прынесла каністру з саляркай, нажом зрабіла на шыі некалькі драпін, пасля чаго расплюхала "гаручку" па паліцах з вяхоткамі, парашкамі, гумовымі ботамі, цыгарэтамі і запалкамі. Затым падпаліла каністру з рэшткамі саляркі. Калі паваліў з'едлівы дым, каністру выштурхала на ганак і патэлефанавала ў міліцыю.

Паводле факту замаху на наўмыснае знішчэнне маёмасці ў асабліва буйным памеры распачатая крымінальная справа. Адначасна следству трэба разабрацца і даць прававую ацэнку факту раскрадання таварна-матэрыяльных каштоўнасцяў.