Інтэрпол аб'явіў у вышук банкіра, што ўцёк з Расеі

Экс-сенатар ад Тувы, заснавальнік «Межпромбанка» Сяргей Пугачоў абвешчаны ў вышук Інтэрполам.

Пра гэта сведчыць сайт арганізацыі, паведамляе «Інтэрфакс».

У дачыненні да Сяргея Пугачова выдадзены так званы «чырвоны ордэр», які азначае неадкладны арышт у выпадку вышуку асабліва небяспечных злачынцаў.

У студзені 2011 года Галоўнае следчае ўпраўленне СК РФ Масквф распачало крымінальную справу паводле факту наўмыснага банкруцтва «Межпромбанка». ЦБ РФ адклікаў ліцэнзію МСБ 5 кастрычніка 2010 г, а 30 лістапада суд прызнаў банк банкрутам. Справа была распачатая на заяву Агенцтва ў страхаванні ўкладаў, якое з'яўлялася конкурсным кіраўніком МСБ.

Пугачоў, выкарыстоўваючы дыпламатычны пашпарт, паляцеў у Ніцу з аэрапорта «Унукава».

10 красавік 2014 следства зноў запусціла працэс прыцягнення былога сенатара ў якасці абвінавачанага ў крымінальнай справе. Пра гэта прадстаўніца ГСУ СК РФ заявіла на пасяджэнні Басманнага суду на скаргу абароны Пугачова на прыцягненне яго ў якасці абвінавачанага (на дзеянні следства ў парадку артыкула 125 КПК РФ). Раней маскоўскія суды адмаўляліся арыштоўваць фігуранта, аднак з трэцяй спробы ён быў завочна узяты пад варту.

У мінулым Сяргей Пугачоў уваходзіў у спіс расейскіх даляравых мільярдэраў і атрымаў мянушку Банкір праваслаўных сілавікоў. Расейская прэса называла Пугачова «праваслаўным алігархам» і нават «кардыналам Крамля» у сувязі з тым, што той нібыта з'яўляўся асноўным злучным звяном паміж вышэйшай расейскай уладай і іерархамі Рускай праваслаўнай царквы.

Пугачоў таксама прадстаўляў Туву ў Савеце Федэрацыі з 24 снежня 2001 да пачатку студзеня 2011 года, калі кіраўнік рэспублікі сваім указам датэрмінова спыніў яго сенатарскія паўнамоцтвы. У 2008 годзе часопіс Forbes ацэньваў багацці банкіра ў 2 млрд даляраў - тады бізнэсовец займаў 50-е месца ў рэйтынгу найбагацейшых расейцаў.