Кошт нафты Brent упаў ніжэй за $77 упершыню за чатыры гады

Кошт барэля паўночнаморскай Brent склаў $76,49.

Гэткае рэзкае падзенне тлумачыцца чаканнямі, што краіны-сябры АПЕК адмовяцца ад зніжэння аб'ёмаў здабычы, паведамляе РБК.

Цэны на нафту практычна дасягнулі дна, упэўненыя аналітыкі Bank of America Merrill Lynch (Bofa). А да канца года паўночнамарская Brent зноў вернецца да адзнакі ў $100 за барэль, як замову паўтараюць аналітыкі шэрагу іншых буйных інвестбанкаў.

Апошні раз так танна нафта каштавала ў жніўні 2010 года, калі рынак аднаўляўся пасля маштабнага падзення ў жніўні-снежні 2008 г.

Працягвае зніжацца і тэхаская Light Sweet. Паводле звестак на 09:28 мск кошт барэля ўпаў да адзнакі ў 72 даляры 70 цэнтаў, што з'яўляецца ніжэйшай адзнакай за апошнія 4 гады.

Падзенне падагравала заяву міністра нафты Саудаўскай Аравіі Алі ан-Нуаймі, які заявіў, што рынак стабілізуецца без вонкавага ўздзеяння. З ягоных слоў, на саміце АПЕК краіны дасягнуць кампрамісу ў пытанні здабычы.