Расейскі рубель абваліўся, нафта Brent - ніжэй за $72

Кошт барэля паўночнаморскай нафты Brent устанавіў новы рэкорд.

Яна апусцілася ніжэй за $72 за барэль услед за пастановай АПЕК не скарачаць квоту нафтаздабычы.

На фоне падзення коштаў нафты маркі Brent акцыі расейскіх нафтавых кампаній значна патаннелі, а расейская валюта прадоўжыла падзенне. Максімальная адзнака даляра на таргах ў чацвер на Маскоўскай біржы паводле звестак на 20:00 паводле Менску дасягнула 48,65 руб, максімальнае значэнне еўра - 60,92 руб, паведамляе РБК.

Паводле стану на 19:29 кошт Brent на біржы ICE Futures складаў $71,52 за барэль, што больш чым на 6% ніжэй за ўзровень закрыцця папярэдніх таргоў. Падзенне нафтавых коштаў узмацнілася пасля таго, як стала вядома пра пастанову АПЕК не зніжаць дзейсныя квоты на здабычу нафты. Яшчэ а 19:00 у чацвер кошт ф'ючэрса Brent складаў $74,29 за барэль.

Аналітык «Атона» Дзінур Галіханаў ў размове з РБК сказаў, што ўражанне ад прэс-канферэнцыі АПЕК у яго засталося неадназначнае. «Яны ведаюць, што попыт на іх уласную нафту будзе ніжэйшы за іх цяперашні мэтавы ўзровень - 30 млн бар у дзень. Разлікі АПЕК паказваюць, што попыт на нафту будзе толькі 28,5 бар у дзень», - адзначыў аналітык. - Але нават пры гэтым яны не збіраюцца зніжаць вытворчасць ніжэй цяперашняга мэтавага ўзроўню».

Галіханаў выказаў меркаванне, што гэта відавочны сігнал астатнім буйным вытворцам: «наступныя паўгода мы яшчэ пратрымаемся, а вам прыйшла пара падумаць аб тым, што вы будзеце рабіць далей і як будзеце змагацца з нізкімі коштамі на нафту». АПЕК не хоча губляць сваю долю рынку, тут хутчэй справа ў тым, што яны хочуць сумесных скаардынаваных намаганняў усіх гульцоў, каб кошт на нафту далей не падаў, мяркуе аналітык.

На фоне падзення коштаў нафты маркі Brent акцыі расейскіх нафтавых кампаній значна патаннелі. Паводле звестак на 19:20 на Маскоўскай біржы акцыі «Раснефть» ўпалі на 1,8%, капіталізацыя знізілася да 2,48 трлн руб, акцыі ЛУКОЙЛа выраслі на 0,66% (1,95 трлн руб), звычайныя акцыі «Суругутнефтегаза» ўпалі на 2,3%, прывілеяваныя акцыі выраслі на 0,67% (капіталізацыя - 1,3 трлн), «Газпром» патаннеў на 1,6% (капіталізацыя - 3,39 трлн руб.). На Лонданскай біржы «Раснефть» патаннела на 3,3% да $54,12 млрд, ЛУКОЙЛ - на 1%, да $41,98 млрд.

Акцыі замежных нафтавых кампаній па-рознаму адрэагавалі на навіны аб пастанове АПЕК. Паводле звестак на 20:00 мск, акцыі ExxonMobil патаннелі на 0,3% да $400 млрд, Total - на 4,2%, да 110,7 млрд еўра, BP - на 2,7%, да 79,5 млрд фунтаў стэрлінгаў . Акцыі кампаніі Shell падаражэлі на 1,05%, да $230,5 млрд.

На фоне падзення коштаў нафты маркі Brent расейская валюта прадоўжыла падзенне. Максімальная адзнака даляра на таргах ў чацвер на Маскоўскай біржы паводле звестак на 20:00 дасягнула 48,65 руб, максімальнае значэнне еўра - 60,92 руб.

8 верасня 2014 кошт нафты Brent упершыню з чэрвеня 2013 года апусціўся ніжэй адзнакі $100 за барэль. Яшчэ ў чэрвені 2014 кошт на Brent складаў больш за $115 за барэль, але з тых часоў зваліўся больш чым на 30%.