МЗС Украіны: Трэба рыхтавацца да зімовага наступу баевікоў
2- 28.11.2014, 9:31
- 10,946
Міністр замежных спраў Украіны заклікаў урад Нямеччыны паскорыць надаванне дапамогі Кіеву ў сувязі з вайсковай агрэсіяй Расеі.
Пра гэта Павел Клімкін заявіў у інтэрв'ю газеце Bild, паведамляе Deutsche Welle.
«Мы зноў бачым перамяшчэнне расейскіх войскаў, таму павінны падрыхтавацца да зімовага наступу», - заявіў міністр.
Са слоў кіраўніка украіснкага МЗС, украінскім вайскоўцам неадкладна неабходныя дызельныя рухавікі для транспартных сродкаў, якія перавозяць асабісты склад, - Украіна ўжо запытвала іх у Нямеччыны. «Тут важна хуткае развязанне пытання, Украіна тэрмінова мае патрэбу ў павелічэнні падтрымкі», - падкрэсліў Павел Клімкін.