«Аўтатэрмінатары» ў Гародні пашкодзілі 21 аўтамабіль

Невядомыя хуліганы прайшліся па дварах некалькіх дамоў па праспекце Кляцкова ў абласным цэнтры.

У нядзелю шок і нядобрыя воклічы вызначалі настрой насельнікаў дамоў №№58, 64, 70 і 90 на праспекце Кляцкова ў Гародні. Шыны 21 транспартнага сродку апынуліся праколатыя, піша «Інтэрфакс».

Уладальнікі пацярпелых транспартных сродкаў, жыхары шматпавярховак і каментатары ў Інтэрнэце не выявілі відавочнай прычыны, па якой былі пашкоджаныя шыны. Нельга сказаць, што гэта быў пратэст супраць паркоўкі на зялёнай зоне - пацярпелі транспартныя сродкі і на газонах, і пакінутыя на пастой паводле ўсіх правілах. Не праглядаецца таксама нянавісць да пэўнай маркі аўтамабіляў, да якога-небудзь вызначанага колеры кузава ці машынам вызначанага коштавага сегмента. Затое відавочна відаць, што хуліганы проста прайшліся па дварах і пашкоджвалі усё, што траплялася на іх шляху.

Гарадзенцы ў сацсетках адзначаюць, што больш за ўсё аўтамабіляў пацярпела ў двары дома №58 па праспекце Кляцкова. Будынак знаходзіцца ўсярэдзіне жылога масіва, таму шанцаў, што супрацьзаконныя дзеянні ўбачыць выпадковы сведка, было мала.

Увесь дзень 2 лістапада пацярпелыя гарадзенскія аўтаўладальнікі прыводзілі свае аўтамабілі ў працоўны стан. Супрацоўнікі міліцыі, якія прыбылі, апытвалі мясцовых жыхароў.

Гэты факт «аўтамабільнага» хуліганства ў Гародні - не першы за апошнія месяцы. Так, нядаўна ў абласным цэнтры невядомыя заладзілі мантажнай пенай і аблілі кіслатой «Таёту», яшчэ раней быў наўмысна пашкоджаны аўтамабіль прыезджага з Гомеля. Многія называюць падобныя выхадкі адказам на засілле транспартных сродкаў у дварах жылых дамоў. Аднак самы распаўсюджаны «дыягназ» каментатараў з гарадзенскіх сайтаў з нагоды лістападаўскага выпадку ў Гародні - банальнае п'янае хуліганства.