17 нелегалаў з Грузіі патрапілі ў Літву праз Беларусь

Літоўскія памежнікі затрымалі 17 грамадзян Грузіі, якія незаконна патрапілі ў Літву з Беларусі.

Група нелегалаў была затрыманая каля вёскі Таўсюнай Шальчынінкскага раёна. Трое мужчын, чатыры жанчыны і пяцёра непаўналетніх заявілі супрацоўнікам Службы аховы дзяржаўнай мяжы, што просяць прытулак у Літве. Пасля чаго памежнікі пачалі звычайныя ў такіх выпадках працэдуры - запоўнілі неабходныя дакументы, інфармавалі Дэпартамент міграцыі, які будзе разглядаць пытанне прадстаўлення прытулку, і даставілі грузінаў ва ўстанову, прызначаную для асоб, якія просяць палітычны прытулак, піша АФН.

Яшчэ 5 грамадзян Грузіі, якія незаконна пракраліся ў Літву, былі затрыманыя каля вёскі Кеменай Вільнюскага раёна. Чацвёра мужчын ва ўзросце ад 24 да 38 гадоў і непаўнагадовы былі выяўленыя на адлегласці паўкіламетра ад мяжы.

Грамадзяне Грузіі змешчаныя ў арыштанцкую, пачатае дасудовае расследаванне.

У гэтым годзе літоўскія памежнікі затрымалі 131 грамадзяніна Грузіі. Усе яны спрабавалі незаконна трапіць у Літву.

Фота: VSAT