70-гадовая пенсіянерка з-пад Полацка дала адпор узброенаму рабаўніку
4- 3.11.2014, 18:41
- 10,233
У Полацкім раёне пенсіянерка абараніла сваю маёмасць перад узброеным разбойнікам.
70-гадовая жыхарка вёскі Дуброўка звярнулася ў Полацкі РАУС з заявай, што ўвечары ў хату праз незачыненыя дзверы зайшоў невядомы ў масцы і, пагражаючы нажом, патрабаваў грошы.
Але пенсіянерка не разгубілася і адмовілася выконваць патрабаванні разбойніка. У выніку той, нічога не выкраўшы, быў вымушаны схавацца.
Устаноўлена, што злачынства ўчыніў раней судзімы за прычыненне цяжкага цялеснага пашкоджання жыхар вёскі Жарнасек, ён затрыманы, паведамляе БелТА.