40 удзельнікаў «Рускага маршу» арыштавалі за салідарнасць з Украінай

Удзельнікі акцыі, якая прайшла ў Маскве, патрабавалі спыніць вайну з Украінай.

У раёне Любліна на паўднёвым усходзе расейскай сталіцы затрымалі каля 40 актывістаў, якія выступаюць супраць вайны і рэжыму Пуціна. Пра гэта паведамляе група «Рускі Сектар» у сацыяльнай сетцы «Укантакце».

«На Рускім Маршы ў Любліна затрымана каля 40 удзельнікаў «непрымірымай калоны», раней былі затрыманыя яшчэ два чалавекі», - сказана ў паведамленні.

Прадстаўнікі нацыяналістычнай арганізацыі вядомай як «непрымірымая калона», удзельнікі якой былі затрыманыя, выступалі за дэсаветызацыя Расеі і спыненне ваенных дзеянняў на тэрыторыі Украіны.

«Мы супраць неабальшавіцкіх тэрарыстычных фармаванняў, названых ДНР і ЛНР, ад пачатку і да канца інспіраваных спецслужбамі РФ. Мы за мір паміж славянамі», - падкрэсліваюць прадстаўнікі арганізацыі.

Правапарадак на «Рускім маршы» забяспечвалі нарады паліцыі, якія суправаджалі шэсце ўздоўж усяго шляху маршу, а таксама дружыннікі і прадстаўнікі казацтва.

Нагадаем, сёння каля дзвюх тысяч людзей сабраліся ў Маскве на шэсце «Рускі марш». Так рускія нацыяналісты дзясяты раз адзначаюць «Дзень народнага адзінства», афіцыйнае свята ў Расеі. У Інтэрнэце з'явіліся фота ўдзельнікаў акцыі з плакатамі «Рускія супраць вайны з Украінай», «Славяне, яднайцеся» і «Не вайне».