Ліміт разлікаў гатоўкай знізяць

Нацбанк абяцае знізіць ліміт разлікаў гатоўкаю ў Беларусі.

Пра гэта заявіла начальніца ўпраўлення развіцця банкаўскіх плацежных картак і электронных грошай Нацыянальнага банка Людміла Стэфановіч. Яна падкрэсліла, што ў працэсе рэалізацыі дакумента павінна падвысіцца празрыстасць разлікаў паміж суб'ектамі гаспадарання і насельніцтвам, паведамляе БелТА.

«Па меры таго, як будзем атрымліваць зваротную рэакцыю грамадства на сітуацыю з разлікамі, ліміт у наступным будзе змяншацца. Гэта сусветная практыка», - адзначыла спецыяліст.

Указ № 493 «Аб развіцці безнаяўных разлікаў» увойдзе у дзеянне з 19 красавіка. Дагэтуль ў адпаведнасць з дакументам будзе прыведзеная нарматыўная прававая база. У Нацбанку мяркуюць, што змены будуць уносіцца, у тым ліку ў Кодэкс аб адміністрацыйных правапарушэннях. У КаАП магчыма будуць прапісаны штрафы за перавышэнне ліміту разлікаў наяўнымі. Пакуль пытанне знаходзіцца ў прапрацоўцы і ў Нацбанку не могуць сказаць, наколькі значнымі будуць гэтыя штрафы.

Акрамя таго, неабходна адрэгуляваць сітуацыю з камісіяй банкаў за абслугоўванне буйных аперацый. «У Нацбанку гэты кірунак ведаюць і будуць праводзіць па ім дадатковую працу», - адзначыла Людміла Стэфановіч.

Згодна з указам, ліміт разлікаў не распаўсюджваецца на плацяжы фізічных асоб за тавары (работы, паслугі), калі наяўныя грошы ўносяцца непасрэдна ў касы банкаў для залічэння на банкаўскія рахункі юрыдычных асоб, ІП. Акрамя таго, дакумент устанаўлівае іншыя нормы, якія стымулююць развіццё безнаяўных разлікаў. Так, згодна з указам, да 1 студзеня 2017 года не будуць абкладацца падаходным падаткам даходы фізічных асоб, якія ім выплачваюць беларускія банкі ў выглядзе працэнтаў ад сумы аплаты тавараў (работ, паслуг) з выкарыстаннем банкаўскіх плацежных картак, сістэм дыстанцыйнага банкаўскага абслугоўвання. Пры гэтым даход не павінен перавышаць 2% ад сумы аплаты.

Ва ўказе таксама ўстаноўлена норма, згодна з якой не прызнаюцца аб'ектам абкладання падаходным падаткам з фізічных асоб сумы, выкрадзеныя з рахункаў, да якіх выдадзеныя банкаўскія аплатныя карткі, і ў наступным пакрыццём ім банкамі.