Новую клініку Лукашэнкі будуць будаваць пад наглядам Шэймана

Кантраляваць будаўніцтва клінікі на беразе Менскага мора будуць Леанід Анфімаў і Віктар Шэйман.

Гэта вынікае з указу №508, які апублікаваны на Нацыянальным прававым партале.

Нагадаем, інвестыцыйны праект будаўніцтва комплексу будынкаў клінічнага медыцынскага цэнтра ў раёне вёскі Ждановічы Менскага раёна будзе рэалізаваны ў 2014-2017 гадах. Адпаведны ўказ дыктатар падпісаў 3 лістапада.

Заказчыкам па праектаванню і будаўніцтву комплексу з'яўляецца КУП «Упраўленне капітальнага будаўніцтва Мінгарвыканкама», генеральнай праектнай арганізацыяй - РУП «Інстытут «Белдзяржпраект», генеральнай падраднай арганізацыяй – ААТ «Будтрэст №1».

Указ утрымлівае шэраг норм для стварэння неабходных умоў для рэалізацыі інвестпраекта.

Працы ў праектаванні і будаўніцтве комплексу будуць фінансавацца за кошт рэспубліканскага бюджэту і бюджэту горада Менска.