З BMW M6 зрабілі самую хуткую «шасцёрку» ў свеце

Кампанія PP-Performance прапанавала праграму пасляпродажнай даводкі шыкоўнага аўтамабіля.

Немцы гатовыя ператварыць серыйную мадэль BMW M6 Gran Coupe ў самую хуткую «шасцёрку» ў свеце за 17849 еўра, такую заяву зрабілі прадстаўнікі цюнінгавай кампаніі, піша Worldcarfans. Такі спорткар будзе называцца BMW M6 Gran Coupe PP-Performance RS800, піша «Карэспандэнт».

У адрозненне ад серыйнай мадэлі BMW M6, якая развівае 560 к.с. магутнасці і 680 Н/м максімальнага крутоўнага моманту, новы PP-Performance RS800 здольны развіваць 800 к.с. і 950 Н/м. Дамагчыся такога выніку васьміцыліндроваму цвін-турба рухавіку дапамагаюць новая сістэма выпуску разам з глушыцелем Akrapovic, паветраныя фільтры BMC і новы софт электроннага блока кіравання рухавіком. Дзякуючы такім дапрацоўкам будзе раскрыты ўвесь патэнцыял і без таго магутнага 4,4-літровага рухавіка.

Максімальная хуткасць «прапампаванага» аўтамабіля складае 328 км/г, што на 23 км/г хутчэй за паказчык серыйнай мадэлі. Адзіным вонкавым абнаўленнем прадстаўленага на фота аўто стала абклейванне кузава жоўтай плёнкай, чым займаліся спецыялісты партнёрскай кампаніі Cam Shaft.