Курс еўра падняўся вышэй за 57 расейскіх рублёў

На максімуме кошт еўра падняўся да 57,1275 расейскіх рублёў на Маскоўскай біржы.

Адначасова з гэтым курс даляра на біржавых таргах дасягнуў новага гістарычнага максімуму, падняўшыся да адзнакі ў 45,6225 руб, піша РБК.

«Ніякіх асаблівых драйвераў на рынку няма. Падзенне рубля працягваецца па інэрцыі, няма вялікіх аб'ёмаў ні на куплю, ні на продаж валюты. Хутчэй за ўсё, валацільнасць - 30-40 кап. унутры дня - стане звыклай з'явай для расейскіх валютных таргоў», - адзначае намеснік дырэктара інвестыцыйна-гандлёвага дэпартамента Абсалютбанка Андрэй Зайцаў.

У сваю чаргу намеснік начальніка аналітычнага ўпраўлення банка «Зеніт» Уладзімір Еўсціфееў мяркуе, што падзенне рубля выкліканае пастановай Цэнтрабанка фактычна спыніць падтрымку расейскай валюты, змяніўшы назапашаныя інтэрвенцыі на аднаразовыя і штодзённыя.

«Цяперашняя сітуацыя ў корані адрозніваецца ад падзей 2008-2009 гадоў, калі рэгулятар моцна стаяў на падтрымцы рубля. Цяпер у Цэнтрабанка недастаткова валютных рэзерваў для таго, каб спыніць паслабленне рубля і адначасова захаваць суверэнны рэйтынг на інвестыцыйным узроўні. Акрамя таго, бюджэтная палітыка таксама сілкуе падтрымку ад паслаблення расейскай валюты, асабліва ва ўмовах падзення нафтавых катыровак. Такім чынам, пераход ЦБ РФ да яшчэ больш «свабоднага» рубля, з аднаго боку, пазбаўляе рэгулятара аднаго з рычагоў кіравання інфляцыйнымі працэсамі, а з другога, дазваляе спыніць марнаванне рэзерваў, якія сілкавалі пераважна спекулятыўныя рынкавыя стратэгіі», - растлумачыў Еўсціфееў.

Напярэдадні ЦБ паведаміў, што не мае намеру марнаваць падчас падтрымліваючых рубель валютных інтэрвенцый больш за $350 млн у суткі, пры гэтым пры выдаткаванні гэтых $350 млн межы калідора будуць аўтаматычна падымацца на 5 кап. Сёння Банк Расеі абвясціў аб павышэнні межаў валютнага калідора на 5 кап. - да адзнак 39,6-48,6 руб.