Іван Усенка стаў капітанам зборнай Беларусі ў хакеі

Сёння зборная Беларусі правядзе першы паядынак пад кіраўніцтвам трэнера Уладзіміра Крыкунова.

У рамках турніру «Еўрачэленджа» беларусы будуць змагацца з нацыянальнай дружынай Аўстрыі. Трэнерскі штаб зборнай Беларусі раскрыў карты на прадмет складу звёнаў паядынку з аўстрыйцамі, які пройдзе 6 лістапада ў рамках Еўравыкліку, паведамляе «Прессбол».

Беларусь: Лаланд, І.Усенка (к) - Казнадзей, А.Сцяпанаў - Волкаў - А.Елісеенка; Караў - Чарнаок, Кіслы - Н.Осіпаў - Андрушчанка; Місюль - Яронаў, Маліноўскі - Карабанаў - Ляўко; С.Маляўка - Зямлянкін - Ляўшун; Шэлег, Пратасеня.

Капітанам зборнай прызначаны Іван Усенка. У сфармаваным большай часткай з гульцоў экстралігі люблянскага ростэра абаронца «Шахцёра» з'яўляецца адзіным, каму больш за 30 гадоў.

7 лістапада наша дружына пазмагаецца з гаспадарамі (пачатак а 22.00 паводле беларускага часу), а ў суботу - з японцамі (16.30).